موضوع شهر يوليو 2009

سؤال هذا الشهر ربما يكون مرتبط بالشهر السايق
ما هو الوقت المناسب الذي يفكر فيه الشخص بالزواج وتكوين اسرة؟

موضوع: شكر الإثنين يوليو 06, 2009 1:40 am

هو طبعا بيختلف من شخص لشخص وكل واحد ليه وجه نظر مختلفه عن التاني.

هو الواحد او الوحده لازم ميفكرش انه يجوز قبل ميخلص او تخلص المرحله التعليميه مها ان كانت عدد سنينها.

لازم طبعا يكون الواحد يشتغل ويلاقي وظيفه حلوه او يفتح شغل خاص وياريت البنت بعد دراستها تشتغل هيا كمان علشان بعد الجواز يبقوا يسعدوا بعضيهم.

وبعد ميكون نفسه ربنا يزرقه ببنت الحلال ويببقي يجوزوا واحنا هنبقي نفرح فيهم.

طيب لو واحد بيحب واحده
بس هو سنه مثلا 18 سنه
ومعاه فلوس واهله موافقين يجوزوه
فكركم ان الزواج ده هيكون ناجح ؟؟؟؟

للاسف يا قدس ابونا ده بيحصل كتير وهو بيحصل اكتر في القري. احنا منقدرش نقول هو هينفع ولا ل,ا بس اللي نقدر نقوله ان اكيد هيبقي في مشاكل مش هيعرفو يتعاملو معاها لان الشاب عنده 18 امال البنت كام 10. ان مش عارف واحد عنده 18 سنه هيعول هم اسره ازاي, وطبيا الجواز المبكر بقصر العمر.

وعلي فكره جواز البنت قبل 18 ده بيتعاقب عليه في البلاد اللي الاوربيه وامريكا. واحنا دلوقتي نقول اللي معاه فلوس يلحق ويجوز ابنه ومين عارف يمكن بعد كده يقوله اللي معاه فلوس يجوز اربعه.

انتم كشباب تحبوا براحتكم وتختاروا براحتكم
لكن احنا للاسف الواحده ممكن تحب شاب وتخاف
تعبر عن حبها له لان عداتنا تمنع ان واحده تتقدم لواحد

انا مش عارف انك شاب ولا شابه بس من كلامك واضح شابه.

اولا انا مش عايز اتكلم عن الحب والكلام الفاضي ده لانه مش سني, بس انا هرد علي كلمه واحده لما قولتي ان الشاب يقدر يحب والشابه متقدرش. هو الشاب مش هيحب شابه يبقي الشاب زي الشابه لان ده علاقه بيين اتنين وان موفقتش الشابه يبقي مش هيبقي في علاقه خالص والبنسبه للعلاقات المراهقه مجرد عقات تافه ومعظمها بيفشل وخاصا في الارياف. بس انا فاهم قصدقك انت تقصدي ان الشاب يقدر يقول للبنت لكن البنت متقدرش ; ده علشان ان الشاب متفضل شويه في الشرق عن البنت وطبعا البنت بتخاف علي سمعتها عن الولد.

والبنسبه للاختيار: البنت هيا اللي بتختار, مش الشاب. لان لما الشاب بيقدم, الشابه منكم بتقول موافه ولا لا; يبقي انتم اللي بتختاروا مش احنا.

والبنسبه ان البنت تحب واحد ومتقدرش تقول ده مش صح لان البنت هي اللي بتخلي الولد يحبها بسلوبها معاه. ومتنسيش ان حواه خلت ادم اكل من شجره معرفه الخير والشر. الموضوع ده كبير جدا وفي كلام كتير بس انا مش عارف اجمع وكل اللي اقضدر اقوله ان البنت هيا اللي بتوافق علي كل حاجه ومفيش حاجه بتم من غير موافتها. وياريت قدس ابونا يخلي الشهر الجي عن العلاقات

شكرا خالص ياميكل على الردود المنطقيه دي
واضح ان اهل الطيبه كلهم لباقه في الحديث
لكن اعتقد ان الفتاه سواء في الشرق او الغرب صعب انها تعبر عن عواطفها بشكل مباشر
لازم تكون تقيله شويه
علشان الشاب ميقولش انها بترمي نفسها عليه
او انها وشها مكشوف

هو ده طبعا يا قدس ابونا بس للاسف دلوقتي البنت هيا اللي بتحاول تلفت نظر الولد, ده فيه بنات هي اللي بتقول للشباب, والموبيلات اللي بهدلت الدنيا والرسايل والنت.

من رأى يا ابونا ، ان الشاب لا يفكر فى اى ارتباط الا ان يكون مكون نفسة من كل شىء ، ان يكون مخلص دراستة ومعاة الوظيفة اللى هيعيش عليها وكمان يكون عندة شقة.

أما الشاب اللى عندة 18 سنة وحالتة المادية كويسة ويستطيع ان يتزوج ، بالتأكيد هيتزوج ولكن هنا هتقع الكثير من المشاكل المعقدة لانة ليس لدية المسئولية الكاملة للزواج وانة لا يتحمل هذة المسئولية لان الزواج مش لعب عيال ، الزواج مسئولية كاملة على الشاب والشابة
واعتقد يا ابونا اى علاقة بين الشاب والشابة ومضمونها الزواج الهادف تبقى علاقة صحيحة
اما الشاب الصغير اللى لسة مكونش سن الرشد ولسة مكونشى نفسة ولا مخلص دراستة ، يروح ويحب واحدة وهى طبعا عايشه معاة فى سن المراهقة ويتبادلون المشاعر الكاذبة ، ومثلا يقولها انا هجوزك ، طيب فين انت وفين الزواج
لما انت مش مكون نفسك ولا تقدر تفتح بيت ولسة مخلصتش الدراسة ، وطبعا البنت عارفة دة كلة ، بس هى تحب ان تقضى لحظات سعيدة معاه وخلاص
وطبعا هذا من العلاقات الفاشلة والخداعة.
ولما الشاب يفكر انة يحب يقول لنفسة انا جاهز إذن انا مستعد
وشكرا

في معلومه احب اضيفا
الشاب اللي مكملش 21 سنه ميقدرش يروح يتزوج بنفسه
لازم ولي امره يمضي بداله على العقد
وطبعا كذلك العروسه يمضي ولي امرها
لانها قاصر لم تصل لسن الرشد

انا اسفه في البدايه
لاني مختلفه معاكم
زمان ياما بنات اتجوزت وسنها صغير
وكونوا اسر ناجحه والدليل ان كله زمان كان
بيتجوز بدري عهادي يعني وانجبوا اولاد وربوهم كويس
انا راي ان الكل بيطالب بتاخير سن الزواج
علشان مشكلة البطاله وقلة الفلوس
فبيحاولوا يراضو نفسهم

اللي مختلف معايا ممكن يشرح ؟

انا اتفق مع انجي ان زمان كان الزواج في سن مبكر ولكن اختلف ان تأخير سن الزواج بسسب البطاله لكن بسبب ان يكون الشاب والفتاة علي درايه كامله بما سوف يلاقيه وايضا مشكله البطاله بتأثر كتير في حكايه الجواز وانا لا اتفق مع اللي قال ان اللي ظروفه كويسه ممكن يتجوز في سن مبكر واوضح حاجه انه ليس الشاب اللي ظروفه كويسه بل يكون والده ظروفه كويسه وليس الشاب وانا من رأئ يجب الاعتماد علي النفس لاقامه اسره سعيده وشكرررررررررررررررررررررررا

بالنسبه للي موافقون علي الجواز المبكر يعني اقل من 18 سنه للبنت ده بتعتبر جريمه. لانه صحيا ده بشاعه, اللي يفكر يجوز بنته او يرضي انه يتجوز بنت مكملتش 18 سنه ده بجد ميبقاش انسان لان تقرير كتير بتقول انالجواز المبكر بياثر علي الفتاه صحيا ونفسيا. انا اللي اقدر اقوله في موضوع جواز البنت المبكر ده جريميه جنسيه

معلومه : في امريكا في قانون بينص علي اي حد يجوز بنت اقل من 18 سنه يتاحكم كمجرم, وفي الصين ومليشيا البنات مش بتجوز قبل 25 عشرين سنه. بس ان بجد مسطغرب من حاجه! احنا يا مصريين عايزيين نجوز واحنا صغيريين ليه!! علشان نخلف ومنعرفش نصرف علي نفسنا ولا اولادنا وبعد كده نبتدي نسمع ونتفرج علي اللي قتل عياله علشان مكنش عايز يشوفهم وهما بيموتو من الجوع, والا اللي ساب اسرته وهاجر واللي راح قعد في بلد تاني علشان مش قادر يصررف علي اسرته.

موضوع: وجهة نظر الأحد أغسطس 16, 2009 7:27 pm

في حاجه كلكم نسينها اولا في الوقت الحالي لو في شاب معتمد علي نفسة مش هيقدر يتجوز قبل 25 سنة لانه عقبال مايجمع فلوس ويعمل شقة ويشطبها ويكون فلوس كمان علشان الشبكة والعبش والذي منه هيكون عندة اكتر من 25 سنة ومش بعيد يكون سنة 90سنة يعني يادوب يلحق يموت ولكن الطبيعي الواحد مايقدرش يتجوز الا لما يبقي عنده دخل ثابت يقدر يفتح بيه بيت وبعدين دلوقتي اي اب مش بيجوز بنته غير لما يعرف ان الشخص ده يقدر يصرف عليها ويعيشها عيشة كويسة والا يبقي بيبهدل بنته اما للشخص اللي عندة 18 سنة ومعاه فلوس او مرتاح ماديا اعتقد ان الجواز نسبة فشله كبيرة جدا لان الواحد تفكيره وهو عنده 18 سنة غير لما يكون عنده 20او 25 سنة بمعني اصح تفكيره هيكون طايش حتي في اختياره للزوجة او للبنت اللي هيعيش معاها اما موضوع زواج زمان مكنش يفرق السن لان طبيعة الحياة كانت مختلفة وغالبا العريس مكنش بيختار عروستة واهله هما اللي بيختاروهاله واحتمال كبير مكنش بيشوفها الايوم الفرح وكان بينجح الزواج لانه الاهل هما اللي مختارين العروسة اي اختيار ناس كبيرة اختيار عقلاني يعني

» موضوع يوليو 2020 - حكم المحكمة الدستورية بالزام البابا
» موضوع شهر مايو 2009
» موضوع شهر يونيو 2009
» موضوع شهر اغسطس 2009
» موضوع شهر سبتمبر 2009