موضوع شهر يونيو 2009

بسم الاب والابن والروح القدس
الاله الواحد امين
الشباب والهجرة

انا عندي بعض الاسئله واحب من الاخوه الاعضاء ان يشاركوني ويعطوا رايهم في هذه الاسئلة:-
اولا لماذا يفضل الانسان الهجره؟ وما الهدف من ذلك؟
بعد الاجابه علي هذا السوال سوف اعطي سوال اخر

الهدف من الهجره بيختلف من شخص لاخر
لكن الجميع بيجمعهم امر واحد
شايفيين ان المستقبل هنا مظلم لكن
في بلاد المهجر الحياه سهله خالص

ياريت لو حد هاجر يقولنا اختباره الشخصي للهجره كان ايه

شكرا يا قدس ابونا علي ردك وهو فعلا رد صحيح, بس انا اقصد حاجه واحده بس وهي زي ما قدسك قلت الحياه سهله.
الصراحه يا قدس ابونا الحياه في المهجر مش زي مالناس متصوره. هو فعلا في دراسه وكل حاجه متاحه بس لازم العمل والتفوق والنجاح
ناس كتير كانت بتقولي السبب من الهجره هوه ان مستقبل كويس للكبير والصغير, الصراحه احنا كدا نسينا اهم حاجه وهيا ربنا. هل تضمن ان اولادك او انت وانا هنمشوا في الطريق المستقيم!
السوال ده طبعا كل واحد عنده اجابه مختلفه عن التاني. اتمنا اسمع اراه اكتر ونتكلم اكتر في الموضوع ده لاني ان شايف ان كل الناس نفسها تهاجر. فاللي عايز يهاجر ممكن يقولنا ليه.

القعده جنب امي بصراحه تستاهل كتير
لكن هنقعد لحد امتى
الواحد فينا ملهوش غير بيت العدل ( اقصد بيت مراته لان الشقه من حق الزوجه )
طيب يجمع فلوس بيت العدل منين
طبعا لازم يتعب ويشتغل ويتبهدل
كويس .....
فالبهدله واحده والتعب واحد لكن المرتب بيختلف كتير
ومهما الواحد اتبهدل على الاقل زي ما انتم عارفين ان هناك في حقوق للانسان والحيوان
علشان كده لو حد يعرف يسفرني ياريت يراسلني على العنوان التالي
بيتنا
المصطبه بحري
جنب امي طوالي

انا علي فكره عجبني اسلوبك يا اخي راهب كان بصراحه مضحك

بس انا عايز اسالك سوال يعني انت بتقصد ان كل الناس اللي اجوزو في مصر سافروا علشان يكونو نفسهم؟

اتمنا انك ترد عليا قريب

بالنسبه للعضو راهب
لما انت راهب تتجوز ليه

اما العضو مايكل احب اقوله
شكلك متجوزتش قبل كده
وبالنسبة للجميع احنا كبنالت مبيفرقش معانا العريس عنده ايه او هيجيب ايه
المهم انه يكون عنده احساس مستمر بشريكة حياته
مش شهر ويسبها ويروح لاصحابه
اللي بيهتموا بالطلابات هم اهل العروسه علشان كلام الناس
ومين اهل العروسه غيركم يا رجاله
انتم اخواتها وانتم ابوها وانتم اعمامها
وانتم اللي بتقولوا طلابات كتير
تخلي العريس يهج مش بس من الفرح لكن من الدنيا

يا اختي انجي من اللي هيرضي ان يجوز بنته لشخص مش قادر يصرف علي نفسه, يجي يجوزه بنته لشخص مش بيشتغل,انا معتقدش ان اي اب او ام او اخ هيرضي علي الطريقه ده.

وانا معاكي في ان لما الواحد لما بيتقدم لوحده اما يطلبوه منه مطالب تقصر العمر بس في حاجات ضروريه لازمنها وفي الوقت ده محدش بيستخدم المشاعر والاحاسيس لان الاسره بتحاول تطمن علي بنتها.

وانا سوالي

لماذا يفضل الانسان الهجره وما الهدف من ذلك؟

وسوالي كان للاخ راهب بناءا علي كلامه

هل كل الناس اللي اجوزوه سافرو?

اعتقد في ناس بتسافر لمجرد رغبه في التغيير
وفي ناس بتسافر هرب من المشاكل
وفي ناس للدراسه
ومش لازم الواحد يسافر علشان يعرف ياجوز لان في ناس متجوزه من غير سفر لانهم عرفوا يشغلوا نفسهم هنا
وكمان في بنات بتسافر هل دول كمان عايزين يكونوا نفسهم
شكرا لكاتب الموضوع وللاعضاء على ارائهم الجميله
موضوع هايل

شكرا للنسر علي الرض الجميل وانا معاك في ان الانسان مش لازم يسافر علشان يجوز وده الاجابه كنت عايز اوضحها للاخ راهب. بس عندي سوال ليك

هل ان الهروب من المشاكل ده حل؟ وهل مفيش مشاكل في الخارج؟

هو بالنسبة لموضوع الهجرة اكيد كويس جداً للشباب لان الشب لو ماقدريش يكون نفسة وهو في سن صغير مش هيقدر بعدين ومن الطرق السهلة والسريعة في تكوين الشب لنفسة هي الهجرة وانا علي فكرة ربنا كرمني وجاتلي الهجرة الي امريكا السنة ال عدت ولكن لسة ما جليش الجواب الثاني واتمني ان ييجي الجواب الثاني لانه اكيد هيساعدني كتير في حياتي وانا اعرف ناس كتير الوقتي عايشين في امريكا حياة سعيدة هم صحيح في البداية تعبو كتير ولكن الان ربنا اعطاهم خير كتير جداً واطلب منكم ان تصلوا من اجلي ان يساعدني ويبعت الجواب الثاني بسرعة علشان انا اتخنقت من الانتظار

شكرا يا اخ بيمن علي ردك. انا فعلا معاك ان في امريكا بيعملو فلوس كتير وبيصرفوا كتييييييييييييييييييييير, عمر مالفلوس كانت كل حاجه وصدقني في ناس كتير تتمني تروح الكنيسه بس مش قادره, اللي مش قادر بسبب الكنيسه بعيده واللي مش قادر بسبب معندشه عربيه او الوقت وغيرها كتير وان اراد ربنا وسافرت هتعرف, في ناس نفسهم يروحو خلوه ولز حتي يومين بس مشقدرين.

صدقني انت زي مطلبط من ربنا انك تسافر صلي انه يرزقك في مصر وزي مهو هيرزقك في بامريكا يقدر يرزقك في مصر.

وبلاش تقول ابعت يا رب الجواب التاني ياريت تطلب منه انه يدخل وربنا يرزقك وعلي الاقل يكون ربنا هو اللي بيمهد لك طريقك.

انا عندي سوال ليك

هل لو مسفرتش مش هتقدر تكون نفسك؟

اتمني انك تجوبني علي السوال, وربنا يكرمك ويدخل ويكون معاك ومعانا.

شكرا كتير لجميع الاعضاء اللي شاركوا معانا في الموضوع
واشكر الاخ مايكل لانه بصراحه اثبت انه قادر على اقامة حوار ناجح
كمان احب اعرفكم معلومة ان صديقنا مايكل من قرية الطيبه _ سمالوط
هو كمان مهاجر من سنتين ومقيم في امريكا وزي ما بيقولوا ان الطيبه احتلت امريكا
نفسي اسال مايكل انت ليه سافرت وهاجرت

شكرا يا قدس ابونا علي الكلام اللي اقولته وده كله يرجع لقدسك لان قدسك شجعتني اني ادخل الموقع وشكرا لكل الاعضاء اللي شركوا في هذا الموضوع

انا معنديش اجابه واضحه لسوالك يا قدس ابونا بس هقول لقدسك اللي حصل

احنا قدمنا زي اي اسره بتقدم لمسابقه الهجره وبجد مكنش في بالنا موضوع السفر خالص بس احنا قدمنا لان بلدنا كلها بتقدم وانا مع قدسك علي ان الطيبه قربت تحتل امريك ومين عارف يمكن الرئاسه الجايه يكسبها واحد من الطيبه lol.

فانا معرفش ليه انا سافرت بس كل اللي اقدر اقوله ان انا مكنتش هقدر اقول لا لان الاسره كلها هتسافر فكان لازم اسافر. بس مكدبش عليكم ان فرحت ليها لما جت لان كان نفسي اتعلم في كليه كوييسه ومقدبش عليكم ان بحب مصر كتييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييير لان فيها حاجات كتير جميله بس مكنتش حاسس بيها وانا في مصر.

انا اللي كنت عايز اوصله للكل من خلال هذا الموضوع ان امريكا مش كل حاجه مانت ممكن تكون في امريكا ومتنفعش وممكن تكون في مصر وتكون عايش احسن من اللي في امريكا بس هي عمليه عزيمه وارده وثقه بالنفس. وصدوقوني حتي لو جيت امريكا او عملت فلوس كتير او حضرت مجستير او دكتراه من اعظم كليات في العالم عمر مالانسان هيشبع ولا حتي هيستريح نفسيا لان الشبع والراحه متجيش غير لما يحصل علاقه بين الانسان والله.

وقدسك يا ابونا يكملنا في الموضوع

انت كمان مسافر
على العموم ياغالي
حسابك معايا لما ترجع
بس متنساش اخواتك في المنتدى
تجيب لاب توب لكل عضو

عنيا للكنيسه والمنتدي بس الصراحه انا كل اللي بعمله بيروح علي الكليه صليلي علشان اخلص.

علي فكره انت راهب يعني المفروض ان انت ملكش مطالب ارضيه.

اقولك علي حاجه بس خيلي عندك ولو امل صغير, انا من عيله كهنه يعني............

كمل انت النتقط

موضوع الهجرة موضوع كان كويس لكن في ظل ضربة الاقتصاد الوضع مش ذي الاول وبعدين تهاجر ليه ما الواحد ممكن يجتهد ويلاقي شغل في مصر احسن وفيه فلوس وكمان في وطنك ولا مصاريف سفر ولا وجع قلب بس المهم الواحد يتحرك ويدور علي شغل لانك مش هينفع تقعد في البيت والشغل يجيلك وبالنسبة لموضوع الجواز اللي انتم بتتكلموا فيه وتقولوا مصاريف وطلبات اولا محدش بيضربك علي ايدك لما توافق علي الطلبات اللي انتم شايفنها تقصر العمر ثانيا الطلبات دي ذي (الدهب والفرش والشقة..... الخ) هي في الاخر رايحه بيت مين ما في الاخر هي في بيتك هما بيطلبوا طلبات لابو العروسة ولا لامهما ولا لاخوتها ما كله في الاخر ليك وبعدين اللي عايز حد مايستخسرش فيه اي حاجه ..... امراة فاضله من يجدها ثمنها يفوق ..... وشكرا

انا موافق وائل على كلامه
وخاصة هو من الشباب الناجح
يبحث عن فرص عمل خاص
دون الحاجة لاحد

انا معاكم يا قدس ابونا. بس الصراحه ان الناس مش بتهاجر علشان تعمل شويه فلوس وبعديها يرجعو يصروفهم وبعد كده يسافر وهكذا.

الهجره انك بتسافر لبلد احسن اقتصاديه من البلد اللي انت فيها وبيتوفرلك امكانيات اخري ذي دراسه كليات وحاجات كتير.

فالهجره مش مجرد انك تسافر تعمل شويه فلوس وخلاص, الهجره انك تحاول تحقق اللي مقدرتش تعله قبل كده.

بصراحه موضوع جامد جامد بس انا مبقتش احب مصر خالص

بمعني اصح كرهتها من اللي بشوفه فيها كل يوم
بس هنا برده الحياه مش وحشه علشان علي القل لو مريت بأزمه هنا هاتلاقي اللي يساعدك
وبره طبعا ممكن وممكن بس ارجع واقول ربنا موجود ومش بيسيب حد خالص
وانا رأي ان اللي يسافر يروح وميجيش تاني الا لو شاف ابوه وامه كل سنتين

اولا شكرا علي ردك

ثانيا انت قولت في بدايه كلامك انك كرهت مصر بسبب اللي بتشوفه فيها.

يعني هو مين اللي بيعمل الحاجات ده ؟

وعلي قكره زي ما فيه حاجات وحشه في حاجات حلوه وانا معاك ان ربنا موجود وهذا يكفي

» موضوع شهر مارس 2009
» موضوع شهر مايو 2009
» موضوع شهر يوليو 2009
» موضوع شهر اغسطس 2009
» موضوع شهر سبتمبر 2009