موضوع شهر سبتمبر 2009

انا كرهت الجرايد من ايام الثانوية العامه
لانها كانت بتلعب باعصابنا جدا
لاني حصلت على مجموع كبير
والجرايد كانت شويه تقول اننا ممكن ندخل طب
وشويه تقول انهم خفضوا نسبة القبول هذا العام 20%
دلوقتي بحب اتابع الاخبار بشغف لاني بحب المعرفه
لكن اتحرى عن كل خبر لئلا يكون اشاعة

الحقيقة أن الصحف والجرائد لها فضل كبير من الناحية التثقيفية و التوعوية ( بغض النظر عن الجرائد الصفراء) لكن محدش يقدر يقول على جريدة زي الأهرام مثلاً إنها كدة ولا كدة دة كفاية الواحد يقرأ للبابا شنودة فيها ولا أنيس منصور أو د . حازم الببلاوي ...........إلخ عندك ركن قضايا و أراء في الأهرام على سبيل المثال بلاش إيه رأيكم في جريدة وطني ؟ مين ماشتراش الجمهورية في ثانوي قبل الامتحانات ؟
نحاول بقدر الإمكان نستفيد من الصاحفة الكويسة و نبعد عن الصحافة الصفراء وما نحكمش على الصحف و الجرايد حكم بطال علشان أسباب قد تبدو لي ......عذراً

كلام الجرايد كلام فى الهواء
وكل واحد بيكتب براحة والخبر اللى هو عاوزة
كل ده علشان يبيع اكتر

اولا الجرائد حاجه مفيده بس لازم نفهم حاجه انه في انواع كتيره من الجرائد
*منها جرائد رسمية (حكومية ) وده نوع بيبقي موالي للحكومة والحزب الوطني زي الاهرام والاخبار والجمهورية ودي جرائد بتنشر الخبر اللي مايكشفش الحكومة لكن كلها اخبار حقيقة واقعية
النوع الثاني : جرائد معارضة وده جرائد خاصه بالاحزاب الاخري غير الحزب الوطني الحاكم واجمل ما فيها انها بتفضح الحكومة وتكشف الفساد اللي في البلد وانا شخصيا احب اطلع عليها لان فساد البلد ده شي واقعي وكلنا عيشينه
بالاضافه الي انواع اخري من الجرائد
وانا شخصيا مش بعتبر كل الجرائد نقدر نقول عليها تثقيف لانها كلها عبارة عن اخبار وانا بعتبرها ان الانسان يكون عنده معرفة باللي يدور حواليه لكن لو اي حد عايز يتثقف اعتقد مجلة روزاليوسف افزع المجلات واجملها