طلب الي قدس ابونا (مسألة حياة او موت)

اخوكم ريبال وقع في مشكله كبيره عايزنا نساعده في الحل
بعت لينا في اخبار المنتدى وقال
مش عارف انزل صور خالص للمنتدي اعمل ايه
الحقوني
وكان اول رد عليه من فريق الاداره
واضح ان ربنا غضبان عليك
وعلشان ربنا يسامحك صوم 3 سنين من غير اكل او شرب لعل الله يتقبل منك ويعفو عنك وتقدر ترفع صور الجنازه بتاعتك

ياريت اللي عنده حل ميزعلش يرسله لنا هنا

انا انصح الاخ ريبال
انه يستحمى تلات مرات في السبخه
ويدهن جسمه بشوية ملح
ويقول يا خفي الالطاف نجينا مما نخاف
يا خفي الالطاف نجينا مما نخاف
يا خفي الالطاف نجينا مما نخاف
طبعا خمسين مره
وبعد كده الصور ها تترفع بنجاح
على فكره دي طريقه معمول بيها فجميع السيبرات والمواقع

بعد احترامي للعضو راهب
الوصفه بتاعتك غلط لانن التشخيص بتاعك غلط
المشكله مش في ريبال المشكله في الكمبيوتر بتاعه ونصيحتي ليه
اغسل الكومبيوتر جيدا بالتراب
وبعد ذلك اسكب عليه زجاجتين زيت زيتون فلسطيني نقي
ضعه بعد ذلك فيوعاء كبير فوق النار 12 ساعه
ولو منزلش صور
ممكن تخرم الكومبيوتر وتعمله حصاله

انا باشكر كل الى ردوا لــــــــــــــــــــــــــكن انا عندى الحل ::

اصل يا جماعة غلط واحد ماسك اشراف منتدى الصور ومش عارف ينزل صورة
دة اكيد فقد الذاكرة وانا هاقولة يعمل اية
المفروض ان الحكاية هتأخد وقت خليك معايا
الحل فى المشروب الرائع الى هو اسمة (مية اللفت)
دة افضل حل لاسترجاع الذاكرة
يستحسن دمجة مع العصير المعروف عالميأ (عصير البولغ)
وتأخد مش اقل من 3لتربعد الاكل 3 مرات
والنتيجة مضمونة 100%

اما فى حالة ان الكمبيوتر هو السبب
فأكيد ان الكهربأ ضعيف بلاش تشغلة على 200فولت
خليك على 300فولت بتاعت عمود النور هاتديك شغل زى الفل بس من غير منظم كهرباء علشان
يبقى الكمبيوتر سريع ولو شميت ريحة شياط يبقى انت ماشى صح الصح

ووقت مانت شغال اعمل للكمبيوتر اكسدة علشان ذاكرة ترجع
يعنى وهو شغال هات خرطوم مية ورش على الجهاز
وبعدها هايشتغل زى الفل

شكرا للاستاذ وائل
معلومات طبيه ممتازه
ياريت ريبال يعمل بيها
وكمان ياريت الشركه المنتجه لهذا العقار
تعمل منه حقن علشان تكون سريعة المفعول
احنا يهمنا صحة ريبال
وياريت يروح اي جمنزيوم ويلعب كمال عظام
لعل وعسى صحته ترد ويعرف يرفع الصور

شكرا ياقدس ابونا علي الوصفات السريعه
بس انت عارف انا مش محتاج لكمال اجسام انا جسمي كامل لوحديه من غير لعب حديد وانت عارف كده

اصل ياقدس ابونا الواحد لما يقع يكتر سكاكينه
وياريت اللي عايز يقول حاجه تاني يقول علشان نستفيد من الوصفات دي

في حد تاني
الباب هايتقفل قريب
وشكرا

ريبال

شكرا لكل الاعضاء اللي ساهموا في حل مشكلتي شكرا خالص خالص

شكرا ليك يا ريبال
انك اتحملت بمحبه كل التعليقات اللي اتكتبت عنك
دا يدل على انك شخص كويس

ممنوع منعا باتا الدخول على موضوعات ريبال او الرد عليها
لانه ثبت لينا ان الكومبيوتر بتاعه عنده انفلونزا الطيور
كما نرجو من ريبال
وضع الكومبيوتر فى مكان معزول
شراء المصل اللازم لعلاج الجهاز
حتى لا تنتقل العدوى لباقي اجهزة الاعضاء

شكرا لكل الاعضاء اللي عايزين يحلوا مشكلتي بطرق علميه متطوره جدا جدا
وعلي فكره انفلونازا الطيور ملهوش مصل
ويعني خف من مصر
بس الموضه الجديده للانفلونزا هيا

انفلونزا الخنازير
وشكرا

ريبال

مساء الخير يا سيد ريبال
نتمنى ان الحلول تكون نفعت معاك
لو لسه يبقى لازم تشوف البنيه التحتيه للصوره
وما هي نسبة الاكسده اللي فيها
وهل مكزنات طيف الصوره به فهرنهيد الكهرمون
اللي نقصه في البرواز يخلي موضوع الرفع صعب
اقولك جرب الرابط ده وادعي لي

http://www.stdemiana-avatomas.com/up/index.php

الي اصحاب القلوب الرحيمه انا عملت كل الوصفات اللي انتوا قولتولي عليها
شربته مية لفت وسحمته في السبخه وعايز اوديه مزار البابا كيرلس وكمان مغارة الانبا صموؤيل المعترف
يارب ربنا يرضا عليه وشكله مشهاينفع
وبعد كده هاوديه لابونا انجليوس اكيد عنده الدوا

المربع مش راضي يشتغل

انا شايف انك تودي الجهاز
عند ابونا مكاري يونان
ولو عامل حجاب ياريت تحرقه
ونتمنى ان الفاريت اللي عليه تخرج

المشوار كبير ياابونا بس احاول اوديه
ممكن احطه علي المذبح جنب الزبيحه يمكن ربنا يتوب عليه