الابراج : عدد المساهمات : 171 نقاط نشاط العضو : 5727 تاريخ التسجيل : 23/04/2009 العمر : 36 العمل/الترفيه : طالبه
موضوع: فى مصر بس السبت يوليو 25, 2009 11:57 am
حاجات كتير بتتميز بيها بلدنا .. منها اللي يزعل ومنها اللي يقهر .. ومنها اللي يشرح القلب .. وتشتاقله لو روحت فين .. زي طبق الفوووول المعمر اللي لازم أي بلد يحل فيها المصريين .. يحل معهم هذا الحارس الخاص وهذا المضاد الحيوي .. وتفتح المحلات والمطاعم لتلبية طلب المصريين في لندن والسعودية وأمريكا وبلاد الفرنجة فرنسا حاليا .. وإليكم بعض هذه المشاهد الحصرية.
* في مصر فقط .. الأموات ينفقون علي الأحياء "الفراعنة والأهرامات والذي منه" * في مصر فقط .. تجد شخصا أقل منك في المستوي العلمي وحصل علي 50% فقط في الثانوية العامة .. ولكنه يتنطط عليك أو بالبلدي يركب ويدلل رجليه لأنه ببساطة دخل بيهم شرطة .. اللي في خدمة الشعب.هههههه وطبعا كلنا عارفين ازاى فى خدمة الشعب
* في مصر فقط .. تأكل الحواوشي والشكشوكة والكشك الأسيوطي والملوخية بالأرانب والمسقعة والكشري ومحشي الكرنب وطاجن العكاوي والكبدة الاسكندراني .. آه نسيت .. والفووووووووووووووووول اللي مش سوداني.
* في مصر فقط .. تعبر الكلاب الشوارع بطريقة أشبه بالتي يعبر بها الآدميون .. تقف الكلاب علي جانب الطريق تنظر يمينا ويسارا حتى تعبر في أمان .. وليت البشر عندنا يعبرون بالطريقة نفسها ينجون مثل الكلاب .. ولكن المواطن المصري والمصري فقط يجب أن يعبر الشارع كطائر البطريق أو البط البلدي.
* في مصر فقط .. يمتلك المواطن بالوقت والممارسة مهارات خاصة في ركوب الأتوبيسات المسرعة والتسلل إلي العمق أو الوقوف بأطراف أصابع القدم علي أخر درجة في السلم "اطلع من علي الباب يا فندي العربية فاضية أدام" .. طبعا ربنا ما يوريك بقى لو كانت مليانه.
* في مصر فقط .. تنشب الصداقة سريعا وفي اقل من ثوان في إشارة المرور أو في مصلحة حكومية أو في الأسانسير أو حتى في طابور العيش.
* في مصر فقط .. تجد منطقة سكنية بكاملها (سارقة كهربا ) مثل عزبة الهجانة - حتة تعداد سكاني -
* في مصر فقط .. ملك فرعوني بني لنفسه تمثالا ضخما لا تشرق الشمس علي وجهه إلا مرتين في السنة مرة يوم عيد تتويجه ملكا ومرة يوم عيد ميلاده هو شخصيا .. "صبح .. صبح .. يا عم الحاج"
* في مصر فقط .. وزير ( يسرطن ) الشعب ثم يرشحه الحزب الحاكم في انتخابات مجلس الشعب ..
* في مصر فقط .. يتم إنفاق ملايين الجنيهات من أجل الحصول علي "صفر كبير" أمام العالم .. كانوا خايفين ياخدوا درجة بالسالب .. بجد الصفر أرحم.
* في مصر فقط .. يقدم الكشري ساخنا في أكياس بلاستيكية شفافة.
* في مصر فقط .. ادفع وبعدين اشتكي -
* في مصر فقط .. الاختيارات السياسية المتاحة أمام المواطن هي التصويت بـ "نعم " او "لا"
* في مصر فقط .. تم القضاء نهائيا علي ظاهرة "إدمان الهيروين" بعد أن أصبح "البانجو" في متناول الجميع .. ولم يعد لكوكو الضعيف (السجائر الغير محشية) الشعبية السابقة بين الناس.
* في مصر فقط .. لا يتم وضع الملصقات إلا تحت لافتة "ممنوع لصق الإعلانات"
أخيرا فإن ما يوجد في مصر فقط وحصريا على أرض الواقع أكثر بكثير مما نستطيع حصره في مجرد سطور .. ولكننا نقولها وبكل
شاعرية ودراماتيكية وحنية:"عظيمة يا مصر يا أرض النعم
john safwat مشرف
الابراج : عدد المساهمات : 357 نقاط نشاط العضو : 5832 تاريخ التسجيل : 13/02/2009 العمر : 36 العمل/الترفيه : طالب
موضوع: رد: فى مصر بس السبت يوليو 25, 2009 7:14 pm
شكرا انجي علي موضوعك بس اقولك علي حاجه مصر عندي افضل بلد في الدنيا وبجد انا بحبها اوي ومعلش كل بلد فيها الوحش والحلو ومصر فيها الحلو فياريت مانذكرش لعيوب فقط ونبص علي الوحش بس طيب في امريكا بلد الحريه بعد الساعة 9 ماينفعش تطلع من البيت وحاجت كتير لكن بجد انا بلي مصر افضل بلد في العالم من وجهة نظري واللي بيقول مصر مافيهاش شغل اقوله ان مصر افضل بلد دلوقتي فيها شغل بس مش اقعد علي القهوة واقول بطاله وشكررررررررررا
