BASILI


منتدى القس باسيلي سمير
 
الرئيسيةاغصان الزيتونس .و .جبحـثالتسجيلدخول
عزيزي العضو الجديد يجب ان تقوم بفتح ايميلك بعد التسجيل في المنتدى لتفعيل اشتراكك
المنتدى ليس بعدد اعضائه بل بترابط اعضائه كاسرة واحدة

شاطر | 
 

 لقيت ابنى حبيبي متقطع ابنى يا ناس اتقتل قولولى ازاى هادوس على دم ابنى مهما المكان اتغسل

اذهب الى الأسفل 
كاتب الموضوعرسالة
قيثارة داود تبكى
عضو مجتهد
عضو مجتهد
avatar

الابراج : الدلو
عدد المساهمات : 23
نقاط نشاط العضو : 2592
تاريخ التسجيل : 02/04/2011
العمر : 32
العمل/الترفيه : بناء

مُساهمةموضوع: لقيت ابنى حبيبي متقطع ابنى يا ناس اتقتل قولولى ازاى هادوس على دم ابنى مهما المكان اتغسل   الخميس أبريل 14, 2011 11:53 am

امشي وادوس برجلى على دم واشلاء حبايبي
دة اللى اتقتلوا هنا اهلى بنتى او اخويا او صاحبي


كانوا حاضرين معانا القداس وكانوا واقفين جنبي
كنا بنستقبل السنة فرحانين ومكناش نعرف المستخبي

هنا اتقتلوا مريم ومارتينا وهنا اتقتلت هناء
وهنا اتفجروا اصحابى واخواتى واتحولوا لاشلاء
واتقتلت معاهم فرحة الاعياد واتحولت لصراخ وبكاء
وبدال ما كنا هانهنيهم بالعيد اخدنا فيهم واجب العزاء
ياشفيع الكنيسه البابا بطرس خاتم الشهداء
ولاد كنيستك كمان استشهدوا وزيك سفكوا الدماء

الدم سال على ارضك هنا فى كل مكان
دمهم الطاهر مغرق السلالم والحيطان
عمرنا ما هننساه ابدا مهما يمر بينا الزمان
دمهم هيفضل على حيطانك يشهد بكل اللى كان

ادى ام بتصرخ دة دم ابنى كان معايا بالسنة بنحتفل
سابنى وخرج بدرى من القداس ويدوب عند الباب وصل
سمعت صوت انفجار شديد والخوف لقلوبنا كلنا دخل
خرجت بلهفة الام اجرى واشوف ايه اللى حصل
لقيت ابنى حبيبي متقطع ابنى يا ناس اتقتل
قولولى ازاى هادوس على دم ابنى مهما المكان اتغسل

ودة اب بيصرخ عيلتى اتقتلت كلها وسابونى لوحدى
كانوا مالين عليا البيت كانوا ليا فى دنيتى كل سندى
اتفجروا كلهم وسابونى وحدى اعانى من احزانى ونكدى
قولولى ازاى على اثار دمهم هقدر ادوس واعدى

وانا

وانا كان ليا اصحاب ولينا احلى زكريات هنا ف كل مكان
اتقتلوا ومشيوا وسابونى وفاتولى الالم والوجع والحزن
بس اللى حصل عمره ماهيزرع جوانا الخوف والجبن
بس لما ادوس على دمهم قلبي ليهم هيشتاق ويحن

كل ما هدخلك هفتكر زكرياتى الحلوة معاهم
مكنتش اتخيل ابدا ان على ارضك هتسيل دماهم

دول بداوا فيكى هنا حياتهم يوم لما اتعمدوا
وجواكى برضه انتهت حياتهم لما استشهدوا
دول يا ماحبوكى ويا ما فيكى كانوا بيصلوا ويسجدوا
وسابوا اثار دمهم فيكى عشان عنك ابدا ما يبعدوا
دماهم واشلاهم على حيطانك على عصر الظلم بيشهدوا

ما تحزنيش على ولادك ولا تبكى ابدا يا كنيسه
دماهم غاليه ودموعك غاليه عند يسوع مش رخيصه
دة يسوع عمرة ما هيسيبك لوحدك وسط الوحوش فريسه
دة ايده محاوطاكى وعنيه على ولادك دايما حريصة
هو عوضهم عن الالمهم واداهم اكاليل غاليه ونفيسه





اسمى مش معروف بس حبى ليسوع مكشوف


ان مرت الأيام ولم ترونـــــــي


فهذه مواضيعي فتـذكرونـــــــي


وان غبت يوما ولم تجدونــــــي


ففي قلبي حبكـم فـلاتنسونـــــــي


وان طال غيابـي عنكــــــــــــــم


دون عـودة اكون وقتهـا بحـاجــة


للدعـاء فادعـولـــــــــــــــــــــــي
الرجوع الى أعلى الصفحة اذهب الى الأسفل
 
لقيت ابنى حبيبي متقطع ابنى يا ناس اتقتل قولولى ازاى هادوس على دم ابنى مهما المكان اتغسل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
BASILI :: منتدى الشعر-
انتقل الى: