--------------------------------------------------------------------------------
يا مصر انتي اللي باقية , ,برغم كل الظروف
ورايتك حتبقى عالية واسمك ضاوي الحروف
مادامت ولادك صاحية . بالملاين ...وبألألوف
تدّور قلوبها ساقية ماتعرفشي قلق او خوف
**********
يامصر انتي اللي باقية ..وكلهم أكيد ماشيين
دول اللي اغتصبو بهية ...واستباحو دم ياسين
اللي باعو بفلوس القضية ... وزورو في الدين
ولاجل عيونك يا صبية ...ولادك الاحرار راجعين
**********
يا مصر يا ام الغلابة دة خيرك عمار على طول
ليه تبقى حتة صحابة ناهبة لوحدها المحصول
فاكرين عايشة في غابة فيها الضعيف مقتول
وهمة ياناس شلة ديابة وشغالين بامر الغول
***********
اليوم نيلك بيضحك .... وعلى الضفاف حاضرين
جدعان بلون شمسك ارواحم عالكتاف شايلين
حالفين ليرجعو مجدك اللى افتقدتيه من سنين
ويتمتعو من تاني بعزك . ..وكانو منه محرومين
**********
شبابك اليوم دة فتح عينيه وفاق من التخدير
كسرالسلاسل من ايديه ونزل ميدان التحرير
حلف وكان ندر عليه مايرجعشي الا بعد تغيير
حقق مراده بعزم ماليه والرب كانله اعز نصير
**********
يا مصر انتي مهد الحضارة وانتي ام الشعوب
وأهرماتك دي أكبر أمارة , وأبو الهول ألمهوب
بكرة حتقوم فيكي ادارة .. وتصحح كل العيوب
وطول مالأرض دوارة .....حتفضلي جوة القلوب
********
يوسف الياس متى .
عيلبون . ألأراضي ألمقدسة .